أخبار عاجلة
كانت ايام !! / شعر وفاء امين

كانت ايام !! / شعر وفاء امين

متيجي معايا عالقهوة
انا عزّمك على قهوة
ف كبايتين وبن تقيل
كمان حجرين داهّم تقيل
ونتبادلو سوا الحيرة
ونرجع تاني للجيرة
ماكنا زمان شباب حلوة
بترقص روحنا عالغنوة
ونتّجمع في يوم ثومه
على حفلتها في الراديو
ومصر ف ليله معلومه
تهيم على صوتها تتجنن
تخللي القلب يتحنن
حلاوة تعّمر الطاسه
وفن بروعته واسى
ياألحانك ياسنباطي
نقول سبحانك العاطي
تشد معاك وتر باكي
يازكريا ومعاك رامي
وبيرم روحه تهواكي
ونستنى خطاب ناصر
وكل جماله بيناصر
اغاني الثورة يحييها
ياموجي حليم يحليّها
امانينا وايامنا
ونفتح يومي اهرامنا
على نكتة جاهين نضحك
ونيل شرباته بيّفرق
ولا تفرق بُقله وزير
ونقراها صباح الخير
مجلتنا بمفيد فوزي
وكاريكاتير لبهجوري
يرد بإمضته رمسيس
وتجري ف دمنا الكورة
دي غاوينها كتير مهاويس
زمالك أهلي يااا فريقين
في بيت واحد من الاصحاب
بيتعانقوا يقولو جوووون
وبيطالبوا برهان مضمون
وكل الحتة فرحانه
بيوت بالحب عمرانه
ايفون قعده مع نفيسه
بيحكو لبعض اسرارهم
بنات حلوة في احساسهم
وعم فانوس من الشباك
ينادي حسين يقول له
ياواااد
تعالى وهات معاك صحبك
وبّلغ ابوك على رحلة
حنطلعها مع كنيسه
ومين ينسى حلاوة مصر
ومين نفسه يعيد تاني
جمال العصر
اقولك ايه تقوللي ايه
على اللي كان
ونتنهد نقول ياسلام
كانت ايـــــــــــــــــــــام
زفاء امين

عن محمد صوالحة

اضف رد

لن يتم نشر البريد الإلكتروني . الحقول المطلوبة مشار لها بـ *

*