أخبار عاجلة
الرئيسية / رواق الشعر عامي / وف قلب الليل / بقلم : سيد فاروق أحمد
وف قلب الليل / بقلم :  سيد فاروق أحمد

وف قلب الليل / بقلم : سيد فاروق أحمد

وف قلب الليل والعتمه
بتحاول تنحت بسمه..
على وش سنينك
فتلاقى الحظ..بيهرب منك،
زى الملبوس بجنون العالم!
بتحاول..مره،وعشرين،
وبتفشل!
بتلملم توبك..و ذنوبك
تهرب من مكتوبك
أوجاعك تملا دروبك دمع عزيز
بتحاول ترجع وتكونك..
ذاك التلميذ
الولد الطيب
بِتَخَرِج من جواك القسوه..
وتعيش ببراءة طفل صغير
تلقاك شئ تانى..تلقاك متغير
وتحاول تانى..
ف تعانى من الوحده
وسنين الِشده
وحدانى ومخلص وسط الخاينين
بتعانى تكون إنسانى،
وسط وحوش
ف تكون شئ تانى
فين الإنسان -الإنسان الساكن فيك؟
ليه الأحزان بتزيد،
وسحابة حزنك بتغطيك
ومراكب شوقك..
مش بتعديك
للبر التانى،
وبتغرق بيك
تغطس للقاع..
ليه الأنطاع
صبحت أنواع
طب ليه
شمعة عمرك تطفيك
وتلاقى
النور الطالع من جواك
مش بيكفيك؟!
بتحاول إنك..
انك تنطقها
وتمنطقها
يا أبوقلب رُهيف
قلبك ساحة مدح وذكر
بتجّمَع دراويشك
وتعيش بقلوب مُريديك
فتلاقى قلوبهم دفيانه
زى رِغِفِة العيش
تملأ حِنُوك الخلق
برغم مافيش
صَرَخات الدنيا الحبلى..
تعلن وقت الطلق
ربك والحق
بتحاول ياما ..ولا بتكل
وخيال الِضل
بيصاحب حتى الغربان!!
بتحاول تبقى الإنسان
وخطيئة هذا العالم مش جواك!

عن محمد صوالحة

من مواليد ديرعلا ( الصوالحة) عام 1965 شارك في تنظيم وأدارة عدد من المهرجانات والفعاليات الثقافية ، صدر له : كتاب مذكرات مجنون في مدن مجنونة عام 2018 كتاب كلمات مبتورة عام 2019 مؤسس ورئيس تحرير موقع آفاق حرة الثقافي . ومن اعماله المحطوطة : مع سما في أميسا ( رحلة إلى عينيها ) سرد وبكت لونا ( سرد

اضف رد

لن يتم نشر البريد الإلكتروني . الحقول المطلوبة مشار لها بـ *

*

error: Content is protected !!
%d مدونون معجبون بهذه: