أنا المصري مليش أنداد ولو حتي مليش لازمه / بقلم : زكريا شرف الدين

أنا المصري مليش أنداد ولو حتي مليش لازمه

أنا اللي لا عشت فيها زمان

            ولا إمبارح ولا بُكره أنا الخواف

أنا المِقدام أنا المشهور أنا النَكِره

            أنا اللي أكبر أحلامى أبص لطير

وهْوْ مهاجر وأقول الله علي الهجره

             وأنا العاشق تراث الجِدْ ولبلدي

هواها وأرضها السمرهْ أنا

              اللين وأنا القاسي

أنا اللي قلبي واجعني برغم الفقر ع الفقرا

                    أنا العايش بدون لزمه

وأنا المنداس بالجزمه

           وأنا اللي العِلم رافعني على كتاف إلأُمم بره

أنا الخاين وأنا الغدار وأنا برضه أبيع روحي علي المعروف

لو كِلمه أنا نَشْفت ميتها

                 أنا خربت مساجدها وكنايسها وسكتها

   أنا اللي مَحيتها م التاريخ وجيت أبنيها هديتها

                  أنا المصري ومين مثلي بيضحك وسط مييت أزمه

أنا الواثق بعدل الله رغم الظُلم و الظَلَمه

                     أنا المصري مليش أنداد ولو حتي مليش لازمه