باحب الصبح/ شعر الشاعرة الدكتورة منال الشربيني ( مصر )

باحب الصبح لما يبات
يحضر لي النسيم قهوة
و”يتسطح” على “الشبابيك”
ويرمي الشمس ف بلادي

ده شيء عادي

وباعشق ف البنات بنتي
وعيال كبروا
وبقوا “دادي”

وده برضه كلام عادي

وباعشق ف الأغاني اتنين
“بانادي عليك”
و “انا وشادي”

مممم…..عادي

وباعشق في الحيطان بيتنا
وطلة امي م البراوايز
وشكل التبغ لما يطير
ويتشكل يفوق”بابا”
ويحدف لي الصباح بلالين
و”كحكاية”
و يوم نادي

ده كان لما الصباح “لمة”
وقبل اما
يكون “عادي”.

عن محمد صوالحة

من مواليد ديرعلا ( الصوالحة) صدر له : كتاب مذكرات مجنون في مدن مجنونة عام 2018 كتاب كلمات مبتورة عام 2019 مؤسس ورئيس تحرير موقع آفاق حرة الثقافي .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!