آفاق حرة للثقافة صحيفة ثقافية اجتماعية الكترونية
من طين الأرض بتتغير
وبتمسح وجع الكون فيه
علمت بقوه علي الاخضر
وطلبت الهجر بحنيه
مش بافرق لما باكون جواك
بتعبي قزايز مرويه
وبتنسي الحلم علي الاخر
مع إن الحضن دا كان ليه.
عيلتي الحلوه هي حبيبتي
اللي بتفضل دايما فيه
بتشد ذنوب علي نهد العمروبتعلم
فكرت يا دوب اني اسلم
بتشد ايديها وتتأمل
أسكوت تاني ولا اكمل
تزهد روحي وقت ما اشوفك
في سجود الروح
الفجر يبقي يا دوب مفتوح
بابه عشانك
الليل سجاده مرويه من كتر ايمانك
حبيبتي من كل بنات الكون
قررت اعيش بس عشانك
والليل درويش
بيضم الكون وتملي يعيش.
مستني يتدفي بروحي
تطرحني من روحك وتبات
محتاج اثبات
علي إنك حته معديه كل الازمات .
يفرق لو راح حضنك في النوم
يفرق لو كان مستني تقوم
وتحس بروحي المرويه منك حكايات
سبت الاجابات. سبت الاجابات
مرميه ف حضن رصيف مسجون
حلمه اتبعتر
وإنداس في طريق داب م الغربه
تسكت اكتر
وأنا لسه باموت
ترجع تحلم وتصحي الروح
