مسرحية العمر /بقلم : رشا فؤاد _ مصر

لسه يادوبك طرف الخيط

بيشب ف إبرة أحلامي

يغزل ف التوب

ويهيّأ نفسه فى دور

البطل الفِرْود عالمسرح

وستارة بتفتح عالأحداث

مين كان بيعيش النص

اللي ماعمروش يتعاش

ف عينين جمهور

وبيعزف على وترى العطشان

دَمُّه الصافي

اللعبة الفاضلة من الأحلام

بتهد جدار التوهة ولخبطة الألوان

أوهام ……….

على كفى بتتمشى وتعمل

إنها مش شايفة

ورموشي بتفرد عالآخر

ف حبال الشوق

وأتارى خدودى اللي بتنزف من الليل أحزان

مفروشة يا دوب

علشان البلياتشو الماشي على رموشي…….

ما يُقَعش يموت

عن محمد صوالحة

من مواليد ديرعلا ( الصوالحة) صدر له : كتاب مذكرات مجنون في مدن مجنونة عام 2018 كتاب كلمات مبتورة عام 2019 مؤسس ورئيس تحرير موقع آفاق حرة الثقافي .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!