مكتوب عليك / بقلم : الشاعرة الدكتورة منال الشربيني – مصر

مكتوب عليك تترسم
وسط الطريق:”راجع”
وتسيب ف دفتر غياب
توقيع حضور فارغ
فبلاش تبالغ قوي
وتستقوى وتصارع
وبلاش تطيح في الخلق
وتوقع الواقع
وان جاك ضعيف اسنده
و طبطب عليه ودافع
وبلاش تعيش الدور
وانت “البعيد” واجع
وصحصح ضميرك كده
واستهدى واتواضع
آخرك غريب عن هنا
وهناك.. مفيش راجع
فبلاش تطيح ف الخلق
وتخم وتخادع
آخرك شوية عضام
و طريقها مش واسع
مفتوح على “التربة”
لا محامي ولا شافع

عن محمد صوالحة

من مواليد ديرعلا ( الصوالحة) صدر له : كتاب مذكرات مجنون في مدن مجنونة عام 2018 كتاب كلمات مبتورة عام 2019 مؤسس ورئيس تحرير موقع آفاق حرة الثقافي .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!