هو لسه / شعر : الشاعرة جهاد نوار ( جاردي انا )

هو لسة فيه كلام

ما انت قلت و السلام

لما ضمتنى بعينيك

و تاخدت بين ايديك

وقتها ضاع الكلام

ع الشفايف و الهيام…

لما ناديتنى حبيبتى

يا أميرتى

انزلى بحر الغرام

قلت حاضر و ابتديت

افرد شراع الشوق إليك

زى الحمام

و صبح قلبى سفينة

وِسط موجك و الزحام

خَدنى موجك حطنى

على مرسى قلبك

قال لى أنـام…

نمت حبة و صحيت

لقيتنى

ياه حتة منك ..

شوقك و همسك

بسمتك

شمسك و ضلك

صُحبتك

ما بقتش اخاف من

أى حاجة

غير انى أبعد عن

عينيك

يا لوعتى من يوم

يضيع

و عنيا بتدور عليك

ألقى روحى تايهة منى

و صوتى غنوة بتناغيك

ارجع حبيبى لا تغيب

ضُمنى و ارحم فؤادى

و اوعى تانى عنك

أغيب

 

عن محمد صوالحة

من مواليد ديرعلا ( الصوالحة) صدر له : كتاب مذكرات مجنون في مدن مجنونة عام 2018 كتاب كلمات مبتورة عام 2019 مؤسس ورئيس تحرير موقع آفاق حرة الثقافي .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!