بس يا سيدى/بقلم  الكاتبة  نورهان  صلاح / جمهورية مصر العربية

بس يا سيدى …………………….. ؛؛
.. ورحت وقفه وهرشت .. أه والنعمة . وقلت له :
أنا خايفه أوى …… ؛
.. بص لى بإستغراب وقال : من اييييه ؟؟
_ قلت له : ماهو لو طلعت تيران وصنافير
سعوديه … حيبقى منظرى ويحيييش أوى
وأنا بقالى أكثر من ست اشهر عمالة أقول
عن البيع .. والخيانة . وشككت فى كل حاجة
فى البلد . حتى فى الرئيس نفسه .
.. راح قاعد على الكرسى . وقال : أنتى شوفتى
اجتماع الرئيس مع الصحفيين . فى وجود رجال
الدولة . لما شرح الموضوع . بكل ابعاده . وترك
اساتذة القانون الدولى يحيطوا المجتمعين علما
بكل التفاصيل .
قلت له : ايوه شوفت .
قال : الصحفيين طلعوا يقولوا . الجزيرتان مصريتان
واتهموا النظام بالبيع .. مما خلق سوء فهم وشبه
فرقة بين دولتين السعودية ومصر . فى وقت نحتاج
فيه للتكاتف .. يبدو ان بعضنا يعمل لغير صالحنا
متخذا الوطنية كستار ليدارى بها مآربه .
.. رحت مقرقضة ضوافرى . وقلت له :
والعمل يا استاذ .. انا كده بقى منظرى ويحييش أوى
… راح ضاحك بسخرية … وقام فتح الباب وقال :
مش قلت لك ما تمشيش ورا حد … ما تبقيش زى
العنزة اللى تمشى ورا الخاروف الغلط . ما تفكروا
شوية . جتكوا البلاء والبلااااا ..
رحت طالعه …….. وقفايه يقمر عيش
أه والنعمة زمبؤلكم كده .. ؛؛

عن محمد صوالحة

من مواليد ديرعلا ( الصوالحة) صدر له : كتاب مذكرات مجنون في مدن مجنونة عام 2018 كتاب كلمات مبتورة عام 2019 مؤسس ورئيس تحرير موقع آفاق حرة الثقافي .

اترك تعليقاً

لن يتم نشر عنوان بريدك الإلكتروني.

error: Content is protected !!
%d مدونون معجبون بهذه: