انا ابقـى ابـن ميـن/ بقلم/ صابر الطوخى/ مصر

انتـا متعــرفش انا ابقـى ابـن ميـن
كلمه رجعتنا لـورا بـدل السنه ألفين

انتا متعـرفش انا ابقـى ابـن ميـن
كلمه رجعتنا لعصـر الغابه والمفسدين

انتا ابن انسان مخلوق من تراب وطين
وكنت ف بطــن امك زينـا جنـين

فيـك روح ونبـض واورده وشـرايين
ياريتك كنت ابن الناصر صلاح الدين

والوالد اللى هيحرر القدس وفلسطين
وعمك عمـر المختـار
وخالك اللـى بنـى الكعـبه والحرمين

ولا يمكـن انتـا اللـى انشق لك القمر
واحنا كنا نايمين مش حاسين

ولا يمكن من نسل الانبيـاء والمرسلين
ولا يمكـن انتـا ابـن اللـى حكمــها

مـن شرقـها لغــربها
وهـــو ميحتكمش علـى غيــاريـن

العظمه لله يابـن حوا عقلك راح فيـن
دانتا ممكن تاخد الشهيق
والزفـير ميخـرجش مـن الـرئتين

عــاوز الناس تشيـلك ف نـن العـين
وتدعيـلك بالسعــاده فـى الـدارين

فيـه نـاس كتــير مـريضـه
ويتـامى ومحتــاجيـن

فيـه نـاس كتــير جعــــانه
فيه ناس كتير مساكين

فيه اطفـال شـوارع فيه ناس مهمشين
مد ايـدك ساعــدهم
وعلى الخير عاهدهم

وساعتها هما اللى هـ يقولوا انت مين
لما تشوفهم فرحانين ولك متشوقين

دا الدنيا فانيه ياصحبى وكلنا رايحين
متمشيـش ورا الآبالسه والشـياطـين

واعمـل لأخـرتك دا كله سلف وديـن

عن محمد صوالحة

من مواليد ديرعلا ( الصوالحة) صدر له : كتاب مذكرات مجنون في مدن مجنونة عام 2018 كتاب كلمات مبتورة عام 2019 مؤسس ورئيس تحرير موقع آفاق حرة الثقافي .

اترك تعليقاً

لن يتم نشر عنوان بريدك الإلكتروني.

error: Content is protected !!
%d مدونون معجبون بهذه: