انا مش ولى/ شعر الشاعر المصري أيمن إسماعيل

ان كنت فاكره
انى ولى
فاستغفرى
ولى زمان الاوليا
وقلبى عمره
ماكان خلى
وان طيفى زارك
فى المنام
قومى ارجمى
شيطان ولابس توب ولى

انا مش ملاك
وبعترف
بتبنى ليه
ليا ف مقام
وتنامى لجل ان
اجيلك فى المنام
فوقى بقا
انا قلبى عاشق للخلا
سارح فى كل الامكنه
لا له مقام
ولا عنده نجمه ف السما
وان كنت لسه مسلمه
مستسلمه
لشيطان
فارض على عنيكى
غيام
ما قدرش يوم انا اخدعك
فوقى بقى
يلا اهربى
انا بحرى
ملوش قرار
ولا حد منه
ف يوم نجى

عن محمد صوالحة

من مواليد ديرعلا ( الصوالحة) صدر له : كتاب مذكرات مجنون في مدن مجنونة عام 2018 كتاب كلمات مبتورة عام 2019 مؤسس ورئيس تحرير موقع آفاق حرة الثقافي .

اترك تعليقاً

لن يتم نشر عنوان بريدك الإلكتروني.

error: Content is protected !!
%d مدونون معجبون بهذه: