بتسأل ليه عليا/ شعر منى شوقي غنيم

مناسبة الاسعار اللي ولعت نار و كوت قلوب الكبار و الصغار نقدم لكم هذا الحوار بين خطيب و خطيبته و يلطف بينا و بيكم الستار و محدش يسأل عن العنوان لانها لسه طالعة من الفرن نار

*******************************************************

بتسأل ليه عليا
معقول وحشاك عينيا
ولا لمسة ايديا
طيب تعال شويه
واعمل حسابك لما تيجيني
شنطة فاكهه مستويه
او علبة جاتوه من الغاليه
اعملك لقمة هنيه
و بلاش الو كل شوية
دا الشاحن ولع في ايديا

**يا حبيبتي اكيد وحشاني
لكن جيوبي وجعاني
شرم برم آه يا ياني
زيادة الاسعار مجنناني

**يا حبيبي بلاش تماحيك
دا انا رفضت كتير قبليك
ولا علشان عليا غالي
طب جرب كدا تنساني
** انساكي ازاي يا حبيبتي
دا انا صرفت عليكي دم قلبي
لو نسيتك الديانه مش حتنساني

** صحيح الشبكه غاليه شويه
و الكام دبدوب و الشيكولاته الهديه
مش كنت بتقول الغالي
يرخص علشاني

** نسيتي فستان العيد و العديه
و كام زياره غاليه شويه
صحيح الغالي يرخص علشانك
مش برضو انا عندك غالي!!

** صحيح يا حبيبي انت الغالي
لكن الناس مش سيباني في حالي
عنك بيسألوني
و كتير كتير بيعاتبوني
لانك فقير يا نور عيوني

**سيبك من كلام الناس
مبيجبش غير وجع الراس
لو كنتي زعلانه يا بنت الناس
روحي للغني
و سيبيني في حالي

**خلاص يا حبيبي
طالما جت منك
راح اسيبك و ابعد عنك
و الشبكة بكره حبعتها لامك
يلا بقى عن اذنك
أم العريس مستنياني
تييييييييييت تييييييت

** الو الو الو الو الووووووووو
يا خساره قفلت
كان نفسي اودعها
و من قلبي اشكرها
ارتحت و ارتاح عقلي
من قسط الشبكه
و الذي منه
تزيد الاسعار و لا متزدشي
انا خلاص ليه حشغل فكري
بلاها جواز و بيت و عيله
دا انا غلبان
مش قد دي شيله
ملعون ابوها الاسعار
خلت عيشتنا مرار
فيه ايه يعني اعيش معنس
ولا حد يدق على بابي
و انا مفلس
محلاها عيشة الحرية
الغدا فول و العشا طعمية
** منى غنيم **

عن محمد صوالحة

من مواليد ديرعلا ( الصوالحة) صدر له : كتاب مذكرات مجنون في مدن مجنونة عام 2018 كتاب كلمات مبتورة عام 2019 مؤسس ورئيس تحرير موقع آفاق حرة الثقافي .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!