بلاش ترسم  حقيقة/ شعر  دكتورة منال  الشربيني / جمهورية مصر العربية

شوف بلاش ترسم وشوش الناس حقيقة
أصل للناس في الحقيقة وشوش مجاز.
خلي فنك م الخيال
انت ارسم بس دايرة
كل دايرة يعني راس
مش مهم تبان ملامح
اللي قلبه أكيد كويس
حتلاقيله
شكل حلو وليه علامة
زي نقطة نور في ليلة
من ظلامها الكون يخاف
واللي خاين أو حرامي
حتلاقيله شكل بومة
مهما تتصلح تبوظ
تتبتر منك ضلوعه أو إيديه
أو تلاقي إيديك بترسم
جوة قلبه عيون قزاز.
– عاوز أرسم ناس حقيقي
بس صح.
– يعني لو خليتها لوحة
خارجة للناس هي هي
بس صح
فكرك يكتشفوا النشاز؟

د. منال الشربيني

عن محمد صوالحة

من مواليد ديرعلا ( الصوالحة) صدر له : كتاب مذكرات مجنون في مدن مجنونة عام 2018 كتاب كلمات مبتورة عام 2019 مؤسس ورئيس تحرير موقع آفاق حرة الثقافي .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!