أخبار عاجلة
الرئيسية / رواق الشعر عامي / رغم حبي ليك / شعر : الشاعرالمصري/ أحمد عبد الحق

رغم حبي ليك / شعر : الشاعرالمصري/ أحمد عبد الحق

 

زي مافي بدايه
كل حاجه وليها آخر
في المحطه ناس بتيجي
وناس تروح
ذهاب وعوده
وطيرمسافر
واكمني عارفك
اكمني راسم بحروف ملامحك
واكمني من براك شايفك
من جواك رسمك
صحيح بحبك
رغم حبي ليك..لكن
كنت جرحي
كنت دمعه في عز فرحي
كنت وجعي
كنت احلي حاجه عندي
ياما كنت
بعترفلك
رغم شوقي ليك ..لكن
هحاول انسي
حاولي مره تحسي
لما حبيبك في لحظه يقسي
حاولي مره تشوفي نفسك
في المرايا
وزي تكون تمن غرامك
يبقي خيانه
وكل مره نيجي نبدء
تكتبي تترالنهايه
هو ايه …اسمه ايه
حب ده…عشق ده
هو معقول تبقي النهايه
تيجي قبل البدايه
رغم حبي ليك….لكن
هنسي حبك
هنسي اني في يوم عرفتك
هنسي جرحك
وانسي همك
وبين حروفي هنسي رسمك
وامسح دمعة نزلت غصب عني
يوم في حبك
نصيحه مني قبل ماامشي
اوعي تبيعي قلب حبك
أو تخوني
حتي لو كانت الخيانه
شيء اكيد جوه طبعك
احمد عبد الحق

عن 1clarkie1969

اضف رد

لن يتم نشر البريد الإلكتروني . الحقول المطلوبة مشار لها بـ *

*

error: Content is protected !!
%d مدونون معجبون بهذه: