أخبار عاجلة
الرئيسية / رواق الشعر عامي / عملتوا إيه/ شعر : الشاعرة المصرية دكتورة منال الشربيني

عملتوا إيه/ شعر : الشاعرة المصرية دكتورة منال الشربيني

قول لي يعني عملتوا إيه
لما لميتوا القبايل
قلتوا لأة؟
ﻷ دي عادي
بتقولوها ف كل حتة
وكل مرة
بترجعوا من غير صهيل
وانتوا بلادكم كوم أرامل

قولتوا نشجب مش عاجبنا؟
برضه عادي
يعني رحتم
ولا جيتم
إنتم بق كبير بيرغي
كل نوبة بترجعوا لنا
بكوم خسارة وحظ مايل

قولتم إيه للعم سام
اللي نازل فينا سرقة
واللي طايح فينا دبح
ف العساكر والعيال
والمواسم ولمناحل

قولتوا لأ؟
مش عاجبنا؟
لأ برافو
خربتوا بيتنا مرتين
مرة فيها طاطيتوا راسكم
ومرة فرقتوا الفصايل

لأ برافو
قولوا لأة بصوت جهوووري
لأة بتوقع جيوش
لأة بتسوي الهوايل

عن محمد صوالحة

من مواليد ديرعلا ( الصوالحة) صدر له : كتاب مذكرات مجنون في مدن مجنونة عام 2018 كتاب كلمات مبتورة عام 2019 مؤسس ورئيس تحرير موقع آفاق حرة الثقافي .

اضف رد

لن يتم نشر البريد الإلكتروني . الحقول المطلوبة مشار لها بـ *

*

error: Content is protected !!
%d مدونون معجبون بهذه: