عيونك/ شعر الشاعرة المصرية جهاد نوار

يا للى عيونك كدابة كدب
إنت أكيد مش تعرف حب

أوعى تقرب أبدا منى
يا للى وجعت معاك القلب

إنت أكيد مش تعرف حب
شاغل بالى و شاغل فكرى

و لغيرى ناصب شبكة حب
تصطاد بيها قلب معدى

تجرى وراه أميال و تشب
إنت أكيد مش تعرف حب

و أما عيونه تاخدك منى
تنسى زمانى و تجننى

ليه دالوقت جاى بتبكى
عايز منى اسامح غصب

إزاى اسامحك و إنت ظالمنى
رغم الصبر عليك و الغلب

إنت أكيد مش تعرف حب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!
%d مدونون معجبون بهذه: