في العيد / بقلم منى شوقي غنيم

في العيد فته و رز ولحمه
أوعى تنسى وسط الزحمه
بموده و محبه و رحمه
تهدي منها لكل فقير
مش راح ينقص منك رزقك
ببركة ربك هيزيد و يفيض
في العيد طفل يتيم و حزين
و كمان ابن فقير محتاج
مش راح ياخد كتير من وقتك
لما بعيديه تقول له صباح الخير
مع حضن حنين أو مسحه على الراس
يفرح بيها و تدعيلك أمه
يا محلا دعاها في ليلة العيد
يبارك ربك ليك في عيالك
يا فاعل الخير
في ليلة العيد هنيالك
في العيد أم وحيده حزينه
خبط على بابها
صبح ، عيد
بابتسامه جميله
سلم وبوس إيدها
يا محلا دعوتها
اللي الجنه تحت أقدامها
تلقى الدنيا بيك فرحانه
الكل حواليك سعيد
والعيد في عينيك
أجمل عيد
**  **

عن محمد صوالحة

من مواليد ديرعلا ( الصوالحة) صدر له : كتاب مذكرات مجنون في مدن مجنونة عام 2018 كتاب كلمات مبتورة عام 2019 مؤسس ورئيس تحرير موقع آفاق حرة الثقافي .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!