في ناس/ بقلم / ندى بوحيدر طربية/ لبنان

في ناس  بعدو شرهن بيزيـــد         وبتحسهن  بوضاس  لو باسوك
ما بيعرفــوا حقـدن ما بيفــيـــد         بيكبر عذابن كل ما كرهـــــوك
وفي ناس لولا سلموا بالايـــــد        كل المحبة بإيدن بيعطـــــــــوك
روحك بترسم  معهن مواعيــد         قلبك بيفرح كل ما حكيــــــــوك
وبيحملوا  همك عا درب  بعيد         وقد الحمل  والحلم بيشوفـــــوك

حــدك  بيبقــوا  قــد مــا بتريـد         رسالة وجودن  انهن يحبــــــوك
هني  صلا  خلقت بيوم  العيـد        ملايكة  كانوا بسما الأزمـــــــان
ونزلوا على  هالارض  تا يحموك

عن محمد صوالحة

من مواليد ديرعلا ( الصوالحة) صدر له : كتاب مذكرات مجنون في مدن مجنونة عام 2018 كتاب كلمات مبتورة عام 2019 مؤسس ورئيس تحرير موقع آفاق حرة الثقافي .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!
%d مدونون معجبون بهذه: