متسألنيش

انا مين متسالنيش
انا منك.. انا بنتك
ياضلة عمرى و بحبك
و بعشق نيلك الجارى
من امواجه اقسملك
انا العاشقة لسنا ضيك
و عاشقة فيكى مواويلك
و لما الشوق بيكوينى
اروح اتوضى من نيلك
يا مصر يا احلى حكاية
يا غنوة و طرحة ضحكاية
يا ام الدنيا و رواية
يا سابقة الكل بعلمك
و ساحرة العقل من فنك
دا اول نقطة فى سطر
التاريخ انتى
و اول حرف نتهجاه كتب
مصرى
تاريخ الدنيا من اسمك
ابتدوا نقشه
على حيطانك و اوراقك
حروف رسموا
و مين عاداكى فى ترابك
حفر قبره
جامع و كنيسة متجاورين
و عهد ادان على ترانيم
جرس رنان يقولوا امان
و انت وخدانا باحضانك
يا بحر حنان
يا ساقية الكل من خيرك
فى كل زمان

بقلم: الشاعرة جهاد نوار

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!
%d مدونون معجبون بهذه: