أخبار عاجلة
الرئيسية / رواق الشعر عامي / نختير سوى/نرجس عمران / سورية

نختير سوى/نرجس عمران / سورية

كان حلمي نختير سوى
تصير عكازي
وصير إلك الدوا 
نتغندر عادرب المرض
ونتقاسم الحلوة والمرة
قلك يا محلى هالصلعة
وتقلي دخيل شيبتك
شو بحبا انا
على صوت فيروز
صبحية نوعى
وتعود تقول
صوتك منها أحلى
وقبل ما أخلص التنهيد
تحاكيني بالصريح وبالومى
زفراتك ياعمري سهام
و بصدري….. خلق ترسى

أمانتِك …
لا تنزلي دمعة
أشري شوبدك ديبك أنا
فجأة صرت يا حسرة
صرخة فتتها وجع الصدى
بين الأمس وبين بكرى
اليوم عم يبنيك ذكرى
لا ترهقو بطول النطرة
خلي لبناتو من حلاوة اللقى
منين جيب لحلمي الهوى ؟؟
أشهق وحس الكون كلو
سكن صدري من جُوّى
بحياة ربك أسرع تعى
والله يا جماعة
حلمي نختير سوى

 

عن محمد صوالحة

من مواليد ديرعلا ( الصوالحة) صدر له : كتاب مذكرات مجنون في مدن مجنونة عام 2018 كتاب كلمات مبتورة عام 2019 مؤسس ورئيس تحرير موقع آفاق حرة الثقافي .

اضف رد

لن يتم نشر البريد الإلكتروني . الحقول المطلوبة مشار لها بـ *

*

error: Content is protected !!
%d مدونون معجبون بهذه: