آفاق حرة للثقافة صحيفة ثقافية اجتماعية الكترونية
نفسي ابوسك فوق راسك وخدك
واهمس احبك يا حسين الوصايف
ما تقول يا الغالي تجاوزت حــــــــدك
وما اقول من ربعك انا اليوم خايف
من هو بقدي وانت من هو بقدك!
لا صرت في حضنك مع الشوق ضايف
زوجين ن اغلا من هوى الروح عندك
واقرب من النسمة ع روس النوايــــف
والود ودي وادري الــــود ودك
شهر العسل نقضيــــــه بين المصـــايف
في مصر في اسطنبول يا روح عبدك
ع شاطي ن مابه من الإنس حايف
ما حـــــــــــد ن حبيبي يلتفت لك ويلدك
إلا أنا والموج وارض التنــــــــــــايف
والموج لا داعــــــــــب مع الريح قدك
أقول يا موج البحر ما انت شايف؟!
هذا حبيبي شوف كيف ن يصدك
عض النواجذ روح عض الشفــــــايف
لا جاك شعري فكر وهات ردك
لا تقول يا محمود والله حســــــــــــــايف
شعري دخان القلب والنار بعدك
والصمت في جوفي من سنين زايف
ان كان شعري وده يصير ضدك
تدري لخلـــــــــه بين ربعي طرايف
تدري مثل ما بيوم حاول يكدك
لجفاه مثل اللي جفا الخل عــــــــايف
بس ادري انه في كـــــلا الحال يدك
والمدفع اللي بــــــــــــــــه تثور القذايف
والثورة اللي من شعـــــــــــــوري تمدك
بالحــــــــــب يـــــــــــــا حبي يا زين الوصايف
