يا هية

يا هيه وش ينفع… ??
ما بقى شي فيني
أنا في غيبتك نسيان
أنا في غيبتك حالي تغيير
بلا معنى بقايا ٱنسان
دام اللهفه على شفاهك
غدت زهره بلا نيسان
دام الكل من حولي
على الخلان يحسدني
و أنا وحدي أحس أني
بلا خلان… .
دام الشط يلامس
جسمك الناعم
وأنت والبحر جيران
وش ينفع أقول أني بعد عايش
أو حتى بقايا إنسان

وش ينفع… ???
إذا هاجر حنين الشوق ولا عوّد
ومراكب تنتظر مينا
وعلى المينا عيون اتقول
ترى طوّل
وهدايا شنطة مسافر
غرق في يمك… وهو عابر
أخذ موجك هدايا الشوق
أخذها ولا حوّل

وش ينفع… ???
تحدثني عيونك في حيره
عن الخذلان
وفي عيونك الف قصه
تقول الوقت مو أنت
هو الوقت أبو الخذلان

هذا الوقت يا محمد مو وقتي
احس الزمن يعنادني
يعاندني أنا وحدي
كأني خارج الأزمان
وأردد في مثل قولك
وش ينفع اقول أني بعد عايش
أو حتى بقايا انسان
 شعر : محمد  بو عوني الطورة 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!
%d مدونون معجبون بهذه: