مصر تحارب الفساد بدلا من الارهاب الفاسدون يتساقطون

آفاق حرة
ناصر ميسر 

شوفوا المصيبة بقي دي بجد

سيبكم من رشوة مجلس الدولة وشوفوا المصيبة دى 
كلكم قرأتم امبارح الخبر بتاع ضبط الرقابة الإدارية بالمنيا للمتهم (أ . ك) مدير الشئون القانونيه بمديرية الزراعه بمركز سمالوط بالمنيا متلبس بيقبض 18 ألف جنيه رشوه عشان يضرب حكم قضائى منسوب صدوره الى أحد المحاكم لتبوير 3 قراريط أرض زراعيه فى مركز مطاى . … خبر عادى جدا بيحصل كل يوم …
اللى مش عادى بقى هو تقرير العميد عصام زكريا مدير مكتب الرقابة الادارية بالمنيا عن الواقعة دي اللى ذكر فيه بالحرف الواحد ” ان اجمالى المبالغ اللى سبق للمتهم الحصول عليها على سبيل الرشوة هى 72 مليون جنيه مقابل تبوير 300 فدان بمركزي مطاي وسمالوط.”
(المتهم ضرب 400 حكم منسوبة للمحاكم التى اتحرقت دفاترها ومستنداتها فى أغسطس 2013)
اه والله المتهم اخد لوحده 72 مليون جنية وهو مجرد مدير الشئون القانونيه بمديرية الزراعه بمركز سمالوط …. اومال بقى الحيتان الكبار بياخدوا كام 
مصر دى اغنى بلد فى الكون بجد .. بس منهوبة بافتراء …. لو قدرنا نقلل نص الفساد حنبقى اغنى من الخليج وامريكا معا …. تانى تحية من القلب لرجال الرقابة الادارية اللى بقوا بيحاربوا منظومة فساد كاملة لوحدهم …. 

               تحيا مصر وتحيا الرقابة الادارية

عن ناصر ميسر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!
%d مدونون معجبون بهذه: