حوار على الهامش / بقلم نورهان صلاح / مصر

يا استاذ ……………………… أزى حضرتك .. ؟؟
_ ايوااااااه …. يا ترى وراكى ايه .. نعم يا ستى . أفنندم . ؛
_ يوه …. يعنى هوه احنا مانعرفش ننفك معاك شوية .
ما تخلى روحك حلوه يا استاذ . الله بقه … ؛
_ طيب ياستى . اتفضلى .. بس بلاش ازى حضرتك
دى … أحسن بتجيب لى العصبى .. وبا احس ان وراها
نصيبة سودة . ؛
_ بيقولوا أن السيد جمال مبارك . راكب دماغه . إن حتما
ولابد .. ينزل انتخابات 2018 . وأنه مالى ايده أنه حاينجح
ويحقق حلم حياته . ويحكم مصر . وطبعا حاياخد بطاره
من ثوار 25 يناير . ويحطهم فى السجن . وينكل بيهم
ويرجع الفلول . وحا يخلى أحمد عز رئيس وزارة . والناس
بتوع احنا آسفين ياريس فرحانين ومنتظرين اليوم ده .
والاخوان . والناس اللى هما متضايقين من النظام . بيقولوا
أن السيسى فتح الباب لفلول مبارك . من ساعة ما مسك
البلد . فى التليفزيون والصحافة ومؤسسات الدولة .
أه والنعمة زمبؤلك كده .
_ شوفى يا ست نورهانم بيه .. انا حا اقولك الحقيقة مجردة
بدون أى أهواء .. عيال مبارك متربيين كويس وناس مؤدبة
اتحاكموا بكل ادب رغم الاهانات اللى جرت لهم ولابوهم
على طول المحاكمة . ورغم انهم عارفين ان لهم مؤيدين
وكان ممكن مبارك يستنجد بأمريكا أو بأصدقائه فى الخليج
لكنه لم يفعل . وتقبل الحكم القضائى ..
وجمال مبارك . متعلم كويس وعلى اعلى مستوى . ويدرك
تماما ان مرحلتهم قد ولت الى غير رجعه . وانه بحكم القانون
لا يجوز له العمل بالسياسة .. وأأكد لحضرتك . أن عائلة
مبارك قد طلقت السياسة بالتلاته .. وأن ما تقولينه مجرد
اشاعات . تنضم الى اشاعات كثيرة جدا . لاحداث بالبلة
بين الشعب وحاكمه . وعلى العقلاء أن يفكروا قبل ان يكتبوا
وللاسف الشديد ناس منا نحبهم يكتبون عن هذه الاشاعات
فيعطوها المصداقية . ويتسببوا دون ان يدروا . فى ضرب
وطنهم فى مقتل .
_ يعنى الكلام ده مش صحيح يا استاذ ؟؟
_ طبعا غير صحيح ….. لأنه غير عقلانى .. وغير منطقى .
_ طب قول والنعمة .
_ أه والنعمة زمبؤلك كده … ؛؛