احتمال / شعر جهاد نوار جمهورية مصر العربية

حتمااال

إحتمال

 أنسى روحى

 أنسى إسمى

 إحتمال

 أنسى ليلى

ويا همسى

 أنسى يومى

 أنسى أمسى

 إحتمال

 إلا إنى أنساك

 إنت….

او أنسى يوم

 علينا عدى

 بحلوه كان أو

 حتى مره

أنسى البشر

 و الأصدقاء

 انس الآلام

 أنسى الكلام

ويا الملام

 لكنى

 ما أنسى موعد….

 غرام

وياك  …  تمام

 إحتمال

دنيتى من غيرك

إنت تبقى إيه

 دمعتى لغيرك

 إنت إزاى و ليه

 غنوتى لغيرك

 إنت تسوى إيه

 حد ينسى نبض

 قلبه…!!!

حد ينسى حد

 حبه…!!!

قولى مين حبيبى

يقدر

…. ينسى يوم نور

عينيه..؟

إحتمال

 اللى فات كله

يضيع

إلا إنت و الهوا

مقدرش أبيع

إنت شوقى

 و مهجتى..

إنت فرحى

 و بسمتى

 إنت زمانى

 و دنيتى

يا غربتى إن

 تاهوا عنى

 دى محنتى

 و أما تيجى

يجى وياك الربيع…

انت حتة من

 جوة قلبى

 نقشة فيها

 اسمك ياحبى

 و تقول ببيع

 إحتمااال

انسى زمانى

 و أنسى مكانى

 إلا إنى أنساك

 ياروحى….

لا عمرى انسى

 و لا ليك أبيع

عن محمد صوالحة

من مواليد ديرعلا ( الصوالحة) صدر له : كتاب مذكرات مجنون في مدن مجنونة عام 2018 كتاب كلمات مبتورة عام 2019 مؤسس ورئيس تحرير موقع آفاق حرة الثقافي .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!