الاقصى حرم/ شعر الشاعر المصري أيمن اسماعيل

فى الاخبار
منعوا الصلا
حطوا حواجز فى الخلا
ضربوا المصلى فى الحرم
وكام خبر
والاقصى عمره ماركع
واقف وصامد للزمن

صهيون عمره ماكان قوى
صهيون بيقوى بضعفنا
ياامه نامت من زمن
فوقوا بقى
كلنا فى الذل سوا
كلنا فى الهم وطن
وفى المصمصه والنحنحه
اساتذه ومين زينا
صهيون واقف بيذلنا
واحنا روسنا بتنحنى
وننام ونمدد رجلنا
ورجله هو فى وشنا
بينهش فى دينا وعرضنا
ولحد امتى ياعرب
ده الاقصى حرم
الاقصى مسرى المصطفى
ايه بعده تانى يهزنا