حد يخلي عنده دم/ شعر الشاعرة المصرية منال الشربيني

يللا يمكن حد يخلي عنده دم
م اللي باعوا واللي خانوا
واللي خلوا عياطتا دم
يلا يمكن لما نقلق
أو نخاف
نبقى شلة
تلم شمل الناس وتكتب
نفتديك بالروح يا قدس
راح نخلي ترامب “عبرة”
للي يمس رباك يا أقصى
أو يقرب م الحرم

يلا يمكن حد يرجع ونلاقيكم
إيد بتضرب من حديد
قلب واحد
يحرق 100 ترامب ويبقى
فوق حبين الأرض عالي
نخل رافع ف العلم

يلا يمكن ناس تفوق
م العراك
والكرسي لي
الكرسي ليك
ده ميليشيا
وده عامل لي فيها حزبي
وما في حد عنده دم

لأ.. ملعوبة يا ابن ترامب
قلت تلعب “هيروشيما”
بشكل تاني
تجس نبض
ولما لقيت الموج حيعلى
واللي نايم راح يفوق
قلت تبلع كلمتينك
قبل ما الكون يتخرم

يللا خير
يللا يمكن دي نهايتك
وتبقى ويا”العم سام”
أشلاء كلاب
وندوس عليكم بالجزم

ما تحاولش تعيد كلامك
ده كلام بيخر دم
واللي يمس القدس يابني
بيموت بلعنة من الهرم

…..

عن محمد صوالحة

من مواليد ديرعلا ( الصوالحة) صدر له : كتاب مذكرات مجنون في مدن مجنونة عام 2018 كتاب كلمات مبتورة عام 2019 مؤسس ورئيس تحرير موقع آفاق حرة الثقافي .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!