ليه تقتلوه/ شعر الشاعرة المصرية جهاد نوار

لما قاللى فى يوم بحبك
راح هوايا يقول معاه
أصل حبه شكل تانى
نبض قلبى و الحياه
شوقه بسمة تحيى قلبى
و الحنين منه دواه
—–
و أما جه فارد جناحه
يطوى ليلى و يا صباحه
و ينادمنى و البوح سلاحه
يمحى همى ألمى و جراحه
—-
كل خطوة شوق هنا
رسمت ملاح حبنا
انكتب للحب عيد
سجلوه بحروف إسمنا
—-‘
حتى الربيع لونوه
بلون فرحنا
كانت بداية حبى فيه
نور و نار الشوق ماليه
و ورد خدى بان عليه
إن حبى منى و إليه
—–
قال :أحبك.. قلت :أحبك
قال : عشقتك قلت : ملكك
و إبتدينا همسة غرام
قصة هوى اول حروفها
شهد الكلام
و من كلامنا طلع الهيام
مش كلمة حلوة و السلام
——
الحب! نظرة.. همسة ..لمسة
لكن حبى بدايته غير
حب الانام
كل الحكاوى تبدأ بنظرة
و حب عمرى زى الأمير
فارس تمام
مالوش مثال ليه تقتلوه
حرام… حرام