مصر/ شعر محمد العربي / مصر

مصر ياللي يسقي
نيلك الجنود العطشانيين
مصر ياللي سلسبيلك
يجري يروي الفداديين
وال سابك راح يجيلك
اصل حبك اقوي دين
مصر ياللي بين جناينك
ورد متزين بلونك
ورد تسقيه الايادي
هي ايد الفلاحين
هما دول الشقيانيين
والعرق كاوي الجبين
مصر ياللي بين حدودك
جندي واقف بالسلاح
يسهر الليل للصباح
هو دا معني الكفاح
مصر ياللي من شبابك
شاب عايش بالامل
ينحت الصخر ف جبالك
شاب كافح بالعمل
ايد بتزرع ايد بتروى
ايد متعرفش الملل