ياأساتذة فين الكفن/ شعر الشاعرة المصرية الدكتورة منال الشربيني/ الاسكندرية * مصر

ياأساتذة فين الكفن
ياخده الفقير ده بقرش
أوفر ما يلبس محن
وأهو يلقى حفرة بفرش
وأجسن ما يفضحكم
ويجيب لراسكوا الوش

غطوه بربع جنيه
وسيبوا رجله عريانة
لا هو عورة ولا كان بيه
ولا يسوى دبانة
لا في ناس حتبكي عليه
ولا عزوة ولا “كانا”

ولو شئتوا… نقطعها
دا مفيش عليها الطلا
ولا ليها 100 لازمة
دي حكايته صبحت بلا
منحوس ومن يومه
ولا له ف “أيوة” و”نو”
ولا يعرف “اللازمة”
عايش ف قلبه شق
وأهو مات من الأزمة
م الهم فوق الغلا
وورا لقمة يشبعها
يبلع 200 جزمة

وعلى فكرة…شيلوا الكفن
ما هو مات ف سره خلاص
ومطرح ما ترسي يغور
ونحفر له في البلاص
مش فارقة يا أساتذة
ملعون أبو الإخلاص

عن محمد صوالحة

من مواليد ديرعلا ( الصوالحة) صدر له : كتاب مذكرات مجنون في مدن مجنونة عام 2018 كتاب كلمات مبتورة عام 2019 مؤسس ورئيس تحرير موقع آفاق حرة الثقافي .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!