آفاق حرة للثقافة صحيفة ثقافية اجتماعية الكترونية
طنشها على قول المثل ولا تهتم
هالوقت ياما كسّر الجمل بطيخ
وش ينفعك تكدّر الخاطر وتنسم
دامها كل ما تعتدل ترجع تطيح
لا يغرك من الناس .. من قال تم
ياما يجي من كف الغلى تجريح
ما غير حظك يا فتي الهم تغنم
لا والذي ميّل ساق النخل للريح
أسمع يا فتى الصدق يا شايل الهم
بعض خطوات … تحتاج تصحيح
نبض المشاعر يغلبك ولا تقدر تلم
ما كل مره … يفيدك بها التصريح
بعض الأمور أن ردت منّها تسلم
خلك عايم بها على بحر تلميح
أحسن يجيك الوقت تلعن وتشتم
و يصير الصبح في عيونك قبيح
ودرب الأمل في مسلك النور يعتم
مهما يبدد عتم دربك نور المصابيح
أكيد كفن تبيك …تمتد لك و تهتم
وكفن ما تبيك في غيابك تستريح
العمر يا فتى .. فيه الدسم و السم
ما فاز فيها غير اللي كثّر التسبيح
