عابرة/بقلم: وصفي مسرات

.يا زينها دون المكاييج أحلى
سبحان ربي كل زين(ن) عَطَاها
ما عابها شين(ن) ولا هو تخفى
ولا صابها حر(ن) يكدّر صفاها
وان قالوا شمس(ن) قلت لا هي أصفى
وان قالوا بدر(ن) قلت كِنّه مطاها
كل الحدايق من رموشه تِعطّا
صبح(ن) تنفس بالنسايم لقاها
عدّ النجوم وعَدّها قد تِعَدى
بحمل الوصايف ما بلغ منتهاها
اغضيت رمشي عن وصوفه تنسا
ردّ الخفوق غصون رمش(ن) سَلاها
يا دمعتي دون المخاليق حَرّا
ثِقلَ المزون العاليات اعتلاها
وسروج قلبي حايمات(ن) تِشَوّا
ما يسبق المِلتاع ارض(ن) تطاها
بعد اش بقا من حالتي ما تِلَوّى
وبعد اش بقا من هم قلبي اعتراها
اغافل الجّلاس وامشي بعروى
ساير(ن) مثلي ورحت احيّد تلاها
ما تحمل الرجلين قلب(ن) تِكوّى
بحفوف جمر(ن) باللواهب كواها
في خاطري شيء(ن) ولا هو بِشَيّا
سر(ن) تِسَرّا وما دَرى وش جَراها
ما اريد اصارح حالتي كيف سوّا
خلها احتمال وخل قلبي بَلاها
يالله ياللي بحالتي وبيّا ادرى
تجمع شتيت اثنين باقي مداها
واقول خِلي يالغضي لا تِغَفّى
اريد اسامر من رموشك حَلاها
واريد احاجي خدودها واتّحَجا
عن كل قطره من وريدي نَثَاها
يكفي عيوني شُوفها واتِّحَرّا
جمر(ن) تِرَبّع بالدواخل لظاها
وشغوف عيني من تناظر تِقَرّا
اكذب ترا لو قِلت اقدر بلاها

عن محمد صوالحة

من مواليد ديرعلا ( الصوالحة) صدر له : كتاب مذكرات مجنون في مدن مجنونة عام 2018 كتاب كلمات مبتورة عام 2019 مؤسس ورئيس تحرير موقع آفاق حرة الثقافي .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!