ما كنت أحسب أني / شعر محمدبوعوني الطورة

تدري أني صرت أخاف
أن الشوق يفضحني
أحكي وأنا مشغول في طيفك
أن الوقت غدى في اثنينا عشاق

يا هيه… وين أنتِ
وين المراكب سارتبك ولا عادت
ولا جابت رسايل شوق للمشتاق

وين الفراشه اللي معك طارت
يا لهب قنديل قلبي الحراق

كل النسا في مركبك سارت
وأنا وحدي ترى ضايع
في رمشك السراق

رديني يا بنت الناس
أنا محتاج بعض نفسي
لاجل يكمل معي المشوار
لاجل يهدى وسط جوفي
خافقي الطرّاق… .
رديني يا بنت الناس .