رحيل النهر الثالث / بقلم : المهندسة والكاتبة آفاق المحمدي

ليش انقهرنا على أحمد راضي ليش قلوبنا صارت دم عليه وانفجعنا بوفاته ؟!

تدرون ليش ؟!

أحمد راضي بالنسبة النا مو مجرد لاعب ومو مجرد نجم كرة دولي ..

ما رح نحچي عن لعبه وفنه وابداعه ما رح نگول أنه هو السبب الرئيسي بعد توفيق رب العالمين بتأهل العراق لكأس العالم بثمانينات القرن الماضي وسجل هدفين واحد لغاه الحكم ظلما في مرمى البرغواي والاخر في مرمى بلجيكا !

لأن هو أكبر من كل بطولة وكل مباراة وكل لعب ..

أحمد راضي الإيقونة بكلشي ما يوم خيب ظن شعبه وجمهوره بالعكس يوم عن يوم يزداد مكانة ويزداد تواضع وقرب من الناس ..

وآخر ما قدمه دعم وساند الشباب المتظاهرين بثورتنا وثورتهم العظيمة للتغيير ..

أحمد راضي الي لو نريد نشبه على شاب وسيم وطويل القامة نگول يشبه أحمد راضي ،ولو نريد نتمثل برجل أنيق وذا كاريزما وأخلاق نگول عبالك أحمد راضي !

أحمد راضي الأيام الحلوة الي ما شفناها وما شبعنا منها ،اللحظات الجميلة والذكريات الي تعدت ومرت وما تهنينا بيها ،أحمد راضي العراق العظيم وبغداد الزاهية وريحة أهلنا وحبايبنا ..

أحمد راضي تاريخ مرتبط بزهو العراق وعظمته ورقيه ما تگدر تجزئه عن هذا الخلود!

أحمد راضي الأخلاق والطيبة والسلوك الملتزم والوقار والهيبة الي يشبه بلده العراق بشكل كبير قبل ما يتشوه ويشوهوه الدخلاء !

 

الله وياك كابتن أحمد ..الله وياك ابو هيا .. الله وياك خوية

عن محمد صوالحة

من مواليد ديرعلا ( الصوالحة) صدر له : كتاب مذكرات مجنون في مدن مجنونة عام 2018 كتاب كلمات مبتورة عام 2019 مؤسس ورئيس تحرير موقع آفاق حرة الثقافي .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!