ديسمبر اللي جابها برد وجنون
غيمها يجري ولا دثّت مطرها
غدت ليلى وأنا في حبها المجنون
تلتهي عني ولا ادري وش عذرها
قولولها
فكّي قيوده وش حيلة المسجون
دامك غديتي كحل عينه ونظرها
وش حيلة اللي غدا فيك مسكون
وانتِ غديتي باب جنه و سكنها
يا الله
ياللي تسيّر الكون بين الكاف والنون
يا خالق الصحرا على قلة قطرها
يا فالق الصخره وقاهرٍ فرعون
يا مرّجع على يعقوب نعمة بصرها
يا ساندٍ ظهر موسى بعضد هارون
يا جابر قلب إيشاع في آخر عمرها
تلمني مع اللي في هواه مفتون
وما همني لو تاخذ روحي بعدها