آفاق حرة للثقافة صحيفة ثقافية اجتماعية الكترونية
أنا مش مريض
أنا بس تعبان شوية
صحيح إني أحيانا أهلوس
واتكلم مع حد مش موجود
وأضحك مع ظلي واوسوس
بس مش مريض
أنا تعبان شوية
أنت شايفني مريض؟
أنا مش شايف حتى نفسي
مش شايف غير السراب
ووحوش تلف حولي
وعيوني مليانة ضباب
قالوا بي فصام
انا حتى معرفش الخصام
معرفش أقول إني حزين
معرفش أقول فين يوجعني
يموت في حلقي الكلام
أنا كل شيء حولي يتكلم معايا
الباب الكراسي المرايا
إلا أنت مش معايا
والا أقول لك أنا مريض
خلاص اعترفت إني مريض
فين الحنان فين الدفا؟
والا دا كان اتهام ما له علاقة بالوفاء؟
انسى الكلام
ما أنا قلت لك إني أهلوس
بس مش مريض
أنا شوية حاسس إني وحداني
لا مش شوية أنا طول عمري وحداني
حبيت كل الناس وأغلاهم راح وعدّاني
شفت الناس فرحانة
أجيت أفرح قالوا مالك؟
مالك ومال الفرح؟ روح
ورحت وخاطري مجروح
…
