رسالةُ شهيد / شعر : الشاعر اللبناني جو أبي الحِسِن

..

دخلِك يا إمّي بطلب تسامحيني
إيدين الشَّر كل عمرها غِدَّارَه
وعن الأرض ما تنسي تنهَضيني
لِباس العَسكر للأنفُس جَهَـاره
حُبّ الوطَن مَزروع فيها رَهيني
شلوحْ الأرز حاميي بكّل جَدَارة
كلّ ليلة يـا إمّي بِقَبري غَطّيني
وما بَدّي شوفِك موهولِة ومنهاره
زنود العَسكر صادقة وأكثر أميني
اِصرخي وخلّيكي للإمّـات عِباره
اِمسَحي دموعِك ولو كنتِ حَزيني
وما تخلّي ضلوعِك تِحكي كلّ اسراره
يـا إمّي هيـك القـدر مـا تعاتبيني
وعارِف طبول الشهـادي قهّـاره
كلّ ما شَروا دموعِك رح تقتليني
وجفوني بالدّم رح يبقى اِعتِصاره