بحر الهوي/بقلم _ سامي سالم

أنا بحار وماليا في البلاد شطآن والمرسي عندي لما لاقي قلبك فيه الآمان

شوفت ولفيت كتير ورحت كل مكان لفيت بلاد

مالقيت غير الأحزان

وعايزك سفينتي وأنا ليكي الربان أشق بيكي غيوم السما ..

ولا يهمني للبحر هيجان أسافر معاكي ف بحرك وفي كل أوان

وأقطع بيكي الوقت لكل زمان ويشهد علي حبنا موج البحار وبين طيات أمواجه يحمل رسايلي بحنان وأناجي تلاطم الأمواج

إهدأ ياغضبان بين أحضانك حوريه وعاشق لحبها سكران

يابحر الهوي

إحنا ليك سكان وعشمان أكون لسفينتي أنا الربان

يابحر تعبت وفي بحرك غربه كلها أشجان تقطعت بي كل السبل وحبل الأوصال

نفسي أشوف مرساك وكفايه بعد وهجران بناجي سما الشط من كل الأركان ياسحاب السما ظللي علي العاشق الولهان وبين أجفان شمسك وقمرك هلاقي الأمان ودلوقتي بسألك..

إنتي سفينتي وأنا ليكي الربان مستني إجابتك وتثبتي عشقك وتريحي العقل الحيران