آفاق حرة للثقافة صحيفة ثقافية اجتماعية الكترونية
إلى أحدهم وما أكثر اشبابه..؟
عرفت كتير من أهل الهداية
ومتلك ما شفت شكل وغواية
متل درويش فوق الأرض قاعد
تكتب بالكذب قصص الوصاية..
قاعد عم تنظر بي كلامك
بأنو الأرض حاميها حسامك
وانو الشعب واقع بغرامك
بعد ما قربت عليك النهاية..
خربتو البلد بي اسم التجارة
و قاعد تدعي انا شطارة
حقيقة مبينة ومو مستعارة
أكل لحم الوطن صاير هواية..
أنت وكم واحد سريرية
سرقتو رغيف اختي ودم خيي
رجعنا نعيش عصر الجاهلية
بكفي حاج خلصت هالحكاية..
تعو حساب الوطن هاليوم صفو
بكفي رقص كل واحد ع دفو
ولحتى بهالبلد معنا تكفو
ﻻزم تعرفو ما بقي مهرب
وماعدنا نحتمل كذب الرواية ..
