أخبار عاجلة
الرئيسية / رواق الشعر عامي / كلب الناتو..هبش هبشاتوا/بقلم : سيد فاروق أحمد ( أسيوط – ديروط )
كلب الناتو..هبش هبشاتوا/بقلم :  سيد فاروق أحمد ( أسيوط – ديروط )

كلب الناتو..هبش هبشاتوا/بقلم : سيد فاروق أحمد ( أسيوط – ديروط )

 

وفط وزمر

لما الخاين باع أرضاته

جانا الكلب وراح متسمر،

مد عقودو وشد خيوط الوهم حدوده

دلدل رجله ف قلب الترعه قعد يتأّمر

كلب الناتو جاب أغاواته وفتواته

وكل كلاب الأرض أتلمت لجل تهوهو لما يشمر

لما يشمر ديل قفطانه لجل  البهاليل ماتسقفله وتهلل له بدون ما تفكر

ناسى إنى بلاد الأزهر

ناسى إن النيل م الكوثر

ناسى إنى الهرم الأكبر

ناسى عبورى فى عز صيامى

وكل كلامى الله أكبر

ربك أكبر من أمريكا أو بولوتيكا

علمك أحمر

جاى تتسلطن ياد على مين ؟

جن يلخبط جد جدودك

دا إحنا فراودة ليوم الدين

إعقل وإلزم يا ابنى حدودك

جاى وعاملى صلاح الدين

خش وجاهد ف فلسطين ؟؟!

حرر أقصانا وقبلتنا

ولا ف ديه ظهرت برودك؟؟

أصلك بارد نى حزين

ناهب بابل

ماصص دم الشام

جايب كل كلاب العالم

بايع نفسك لأبن ابو سام

خاين تستاهل إعدام

إعدامك هيكون على إيدى

عمر الكلب مايصبح سيدى

إحنا جنود الأرض الحره

إحنا بلادنا عز وهيبه

إحنا أخوال الشعر العربى

وإحنا نجير الغير بالطيبة

لوكان عجمى أو كان عربى

جاى جايب عصبه وهليبه

قرب جرب قسوة ضربى

لم كلابك لم وروح

إلحق روحك لو متسوح

مرمى نيرانى شرقى وغربى

أرضى بتصبح نار ع الباغى

حتى حدودى نار بركان

مهما تشاغل مهما تلاغى

هتصبح لاغى وهتصير كان

ده إحنا زمان

حطمنا صنم السلطان

………

 

 

 

 

 

عن محمد صوالحة

من مواليد ديرعلا ( الصوالحة) عام 1965 شارك في تنظيم وأدارة عدد من المهرجانات والفعاليات الثقافية ، صدر له : كتاب مذكرات مجنون في مدن مجنونة عام 2018 كتاب كلمات مبتورة عام 2019 مؤسس ورئيس تحرير موقع آفاق حرة الثقافي . ومن اعماله المحطوطة : مع سما في أميسا ( رحلة إلى عينيها ) سرد وبكت لونا ( سرد

اضف رد

لن يتم نشر البريد الإلكتروني . الحقول المطلوبة مشار لها بـ *

*

error: Content is protected !!
%d مدونون معجبون بهذه: