الشباب الرائق/ بقلم: ياسر الزمراوي( السودان)

الشباب الرائق في خديدك لايق
يانسيم هبيت في القلب شبيت
للعقل تبيت والحسود متضايق
شفتك أنت بديت احسب الايام
زي تقول مديون بحبس الانفاس
واشهق الانسام
أنت حاجة براها ربنا السواها خت فيك خصال
وخلي فيك حقايق
زينة خلقة أخلاق كلمتك محسوبة زي مطر شتوية وضحكتك للهم تطردو وبتسابق
اصلي ليك بفتش في شوارع الحلة ويسأل المارين لو هلالك هل وديما ليك ملاحق
ياشباب في ذوقك يا أنيق في زيك يا جميل في حيك للهلاك لي سايق