عارف
لما الصبح يقوم م النوم
واسمع صوت الراديو الفايق
من اول ما يصلي الفجر
بالمح وش أبويا الرايق
واسمعه لما يقول ده” جمال”
جاب للشعب الطيب حقه
كنت استغرب منه كتير
كنت باغير من سيرته ال ياما
بس جمال ده ف قيمة أبوه
كنت باحبه عشان كان أبويا
صبح وليل يتغزل فيه
ولما كبرت قريت حكاياته
قعدت ف نفس الكرسي هناااك
وعدت ف سيرته
لبست عباية أبويا وهييته
وقلت “جمال” ده رمز العزة
“حبيب الكل”
مش مشكلتي
ناس بتحبه وناس تتضايق
محدش يعرف
ليه بنحبه
ف قلب الموت
زي ما كان وسطينا و فايق؟