آفاق حرة للثقافة صحيفة ثقافية اجتماعية الكترونية
هو صحيح إبني مات
إبني اللي كان لسه هنا
نايم ما بين احضاني
لسه حضني دافي منو
لسه ريحته محوطاني
قلبي لسه بجد سامع
لما قالى إنه راجع
جوا حضني بكرا تاني
وابني عمره
ما خلف وعده معايا
إبني دا حته مني
هو دايماً كان لازمني
من أول ما كان ببطني
يربطني بيه حبل سري
ابني دا من بين كل ولادى
كان حته مني
كان يقول يا أمي
حبك عبادة
كان عليه أجمل إبتسامة
كان لما يضحك
تهون علىّ كل حاجه
كان غير كل ولادى
كان بيوحشنى حتى
وهو نايم بين ذراعي
لا تقولوا إبني مات
إبني لسه عريس
انا مجهزاله كل حاجه
حتى عروسته فرحانه بيه
إبني دا لسه زهرة
لسه زرعي أخضر
محصتهوش
يارب لو صحيح ابني مات
اقول ايه لعروسته
أقوله ايه لكل حته
لكل ركن فى بيتنا
يارب
بلغو سلاماتي
قوله أمك بتستناك يوماتى
وحشها ضحكتك
ولما كنت بتحضنها بساطة
يارب لو صحيح إبني مات
انا كل حته فيا راضيه عنه
أدخله الجنه بحبي ورضايا !!
# تحية لكل أم ابنها مات شهيد
إبنك في الجنة يا أمي متزعليش !!
